opening-群星

歡迎蒞臨紅磡•香港體育館，欣賞由天星娛樂有限公司主辦《繼續寵愛•十年•音樂會》。 喺音樂會進行期間，嚴禁錄音、錄影及拍照，請將手提電話轉靜音，舞臺有煙火效果，切勿靠近舞臺或跨越攔河，以免發生危險，多謝合作。 《繼續寵愛•十年•音樂會》現在開始。

【經紀人陳淑芬】 2003年4月1日晚上6點43分， 平地一聲雷，打碎咗好多人的心。 當時喺現場嘅我，重未知道發生緊咩事，突然感覺成個人輕咗，靈魂好似脫離緊我嘅軀體，一直向上飄。同時聽到一把聲音同我講：「我終於可以好好地舒服噉瞓一覺啦。」

呢件事，我一直冇同其他人提過。 直到有一日，我聽到呢首歌，歌詞完全反映咗當日發生喺我身上嘅感覺。 所以，今日我想同大家一齊分享我當日嘅感受。 张学友《给朋友》

我知道嘞，我明喇，Leslie。 相信大家都會明白你， 你放心去享受你嘅自由空間喇， 你永遠都會活喺我哋嘅心裡面， 我哋永遠都會記掛住你。