Kalenda-Cappella Musicale Pontificia Sistina

[00:00.00]Octavo Kalendas Januarii Luna N. [00:00.000] 作曲 : Anonymous [00:11.00]Innumeris transactis saeculis a creatione mundi, quando in principio Deus creavit caelum et terram et hominem formavit ad imaginem suam; [00:35.00]permultis etiam saeculis, ex quo post diluvium Altissimus in nubibus arcum posuerat, signum fœderis et pacis; [00:54.00]a migratione Abrahæ, patris nostri in fide, de Ur Chaldæorum saeculo vigesimo primo; [01:07.00]ab egressu populi Israël de Ægypto, Moyse duce, saeculo decimo tertio; [01:19.05]ab unctione David in regem, anno circiter millesimo; [01:29.00]hebdomada sexagesima quinta, juxta Danielis prophetiam; [01:37.00]Olympiade centesima nonagesima quarta; [01:46.00]ab Urbe condita anno septingentesimo quinquagesimo secundo; [01:56.00]anno imperii Cæsaris Octaviani Augusti quadragesimo secundo; [02:05.00]toto orbe in pace composito, Jesus Christus, æternus Deus æternique Patris Filius, mundum volens adventu suo piissimo consecrare, de Spiritu Sancto conceptus, novemque post conceptionem decursis mensibus, in Bethlehem Judæ nascitur ex Maria Virgine factus homo: [02:55.00]Nativitas Domini nostri Jesu Christi secundum carnem.